"Azərbaycanla Rusiyanın kənd təsərrüfatı məhsullarının ixracı sahəsindəkı əməkdaşlığına heç nə mane olmur".

Bu sözləri Axar.az-a açıqlamasında Rusiyanın Liberal Demokrat Partiyasından olan deputatı Roman Xudyakov deyib.

O, Azərbaycan məhsullarının Rusiya bazarında artdığını bildirib:

"Praqmatik siyasət yürüdərək həmişə öz ölkələrinin vətəndaşlarının xeyrini güdürlər. Amerikanı kor-koranə izləməmələri bu ölkələri hər zaman xoşbəxt edir. Rusiyaya sanksiyaların tətbiqindən sonra Azərbaycanın kənd təsərrüfatı məhsullarının bizim bazarda artması prosesi artıq başlayıb".

Qeyd edək ki, son günlər Rusiya Avropa kənd təsərrüfatı məhsullarına qoyduğu qadağadan sonra öz bazarları Azərbaycanın kənd təsərrüfatı məhsulları ilə doldurmaq istəyir. Dünən çıxış edən rusiyalı deputat Dmitri Savelyev də Azərbaycan məhsullarını daha keyfiyyətli adlandıraraq, Avropaya veriləcək pulun Azərbaycana ötürülməsi üçün şəraitin yarandığını bildirmişdi.