Axar.az
Yuxarı

Axar.Az Logo

Lavrovun “həll planı”: O, nəyi “unudur” və təhrif edir?

Ana səhifə Gündəm
12 Punto 14 Punto 16 Punto 18 Punto

Lavrovun “Mərhələli həll” planı ilk başda müsbət görünsə də, ehtiyatla yanaşmaq lazımdır. Çünki o, əvvəllər də oxşar bəyanatlar verib.

Bu sözləri Axar.az-a açıqlamasında politoloq Qabil Hüseynli Qorçakov Fondunun təşkil etdiyi onlayn dəyirmi masa zamanı Rusiyanın Xarici İşlər naziri Sergey Lavrovun Qarabağ münaqişəsinin həlli ilə bağlı səsləndirdiyi fikirləri şərh edərkən deyib.

Politoloq vurğulayıb ki, Lavrovun BMT Təhlükəsizlik Şurasının qətnamələri haqqında söylədiyi fikirlər yarımçıqdır:

“Qətnamələrdə qeyd olunur ki, Ermənistan qoşunları işğal etdikləri ərazilərdən dərhal və qeyd-şərtsiz çıxmalı, bundan sonra danışıqlara başlanmalıdır. Burada ən önəmli məqam da qoşunların işğal edilmiş ərazilərdən dərhal və qeyd-şərtsiz çıxarılmasından sonra danışıqların başlanmasıdır. Lavrov isə çıxışında qeyd edib ki, ətraf rayonlar geri qaytarıldıqdan sonra danışıqlar prosesinə başlana bilər. Düşünürəm ki, Lavrov bu ifadələrində bilərəkdən BMT qətnamələrini təhrif edir. Hər halda bu, qəbul edilə bilməz. Çünki hər dəfə bu cür təhriflərin edilməsi zamanla qətnamələrin mahiyyətini itirməsinə gətirib çıxara bilər”.

Politoloq qeyd edib ki, Ermənistan işğal olunmuş torpaqlardakı qüvvələrin ona aid olmadığını deyir:

“Hətta bu qoşunları “özünümüdafiə dəstələri” adlandırır. Lakin BMT qətnamələri göz qabağındadır və orada işğalçı da, işğaldan əziyyət çəkən də açıqca qeyd olunub. Bütün qətnamələrdə işğal olunan ərazilər və ətraf rayonlar yazılıb. Yəni BMT qətnamələri bu gün heç bir halda təhrif edilə bilməz”.

Q.Hüseynlinin sözlərinə görə, Azərbaycan heç vaxt müharibə istəməyib:

“Lavrov çıxışı zamanı müharibənin dayandırılmasının vacibliyini qeyd edib. Məsələ ondadır ki, Azərbaycan heç bir ölkə ilə müharibə aparmır. Müharibə Azərbaycana qarşı açılıb, torpaqları işğal olunub, bir milyondan artıq vətəndaşı torpaqlarından didərgin salınıb. Bu, ədalətsiz, qeyri-insani bir müharibədir və səbəbkarı Ermənistandır. Yaxşı olardı ki, bu yöndə onlara ciddi təzyiqlər edilsin. Azərbaycan bu müharibəyə zorla cəlb edilib. Biz özümüzü müdafiə etməyə məcbur olmuşuq. Bununla belə Ermənistan bəzi qüvvələrin hesabına qanuni torpaqlarımızı işğal edib. Bu gün danışıqlar prosesindən danışmalı olsaq, birinci növbədə bu məsələ aktuallaşmalıdır”.

Politoloq vurğulayıb ki, BMT qətnamələrindən əlavə, ortada Kazan, Sankt-Peterburq, Madrid prinsipləri də var:

“Yəni bu sənədlərdə əldə olunan razılıqlar da danışıqlar prosesində qeyd edilməlidir”.

Tarix
2020.04.24 / 09:00
Müəllif
Turan Rzayev
Şərhlər
Digər xəbərlər

Deputatdan Xankəndi ilə bağlı mühüm mesaj

İlham Əliyev və xanımı "Şuşa" yarımstansiyasının açılışında

Minalanmış ərazilərlə bağlı BMT-yə müraciət olundu

Ermənistanın cinayətlərinə baxılacaq - Avropa Məhkəməsi

Mühüm təklif: Bakı ilə İrəvan üçün Tiflis platforması

Ərdoğan Təbbunla danışdı: Fələstinin müdafiəsi...

Şuşadakı möhtəşəm festivala ilk prezidentin - Reaksiyası

Ordumuz 3 km irəliləyib, Qara gölü nəzarətə aldı – Təfərrüat

Prezidenti və xanımı “Xarıbülbül” festivalının açılışında

Azərbaycan Ordusu Zəngəzur istiqamətində irəlilədi - Video

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla