Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
6 Avqust 2020


Millət vəkilləri şəhid mayorun ailəsini ziyarət etdi - Foto

Ana səhifə Gündəm
12 Punto 14 Punto 16 Punto 18 Punto

Tovuz və Masallı seçicilərini Milli Məclisdə təmsil edən millət vəkilləri Qənirə Paşayeva, Məşhur Məmmədov, Anar İsgəndərov və “Regional Hüquqi və İqtisadi Maarifləndirmə” İctimai Birliyinin (RHİM İB) sədri Arzu Bağırova 14 iyulda Tovuzda düşmən hücumunu dəf edərkən qəhrəmancasına şəhid olmuş mayor Anar Novruzovun Masallı rayonu Ərkivan qəsəbəsindəki evini ziyarət edib.

Axar.az xəbər verir ki, millət vəkili Qənirə Paşayeva şəhid mayorun evini ziyarət etməyi, müqəddəs Qurban bayramı günü şəhidin ailə üzvləri ilə bir yerdə olmağı bir mənəvi borc kimi xarakterizə edib, bu ziyarətin şəxsən onunçün unudulmaz olacağını deyib.

“Mən hadisələrin ilk günlərindən Tovuzdaydım, şəhid olan hərbçilərimizlə, rəhmətlik Anarla da o həyəcanlı günlərdə tanış olmaq fürsətim oldu. Şəhid olan, yaralanan hərbçilərimizin hər birinin fədakarlığı, vətənpərvərliyi ən yeni dövr hərb tariximizin özünəməxsus səhifəsini təşkil edir.

Hadisələrin içində olan, yerli və beynəlxalq reaksiyalarla tanış ola bilmiş və nəhayət, Tovuzda doğulub-böyümüş bir bacınız olaraq, o günlərdə yaşananları, düşmənin məram-məqsədini və hərbçilərimizin Tovuzda nəyin uğrunda şəhid olduqlarını dərindən dərk edirəm. Biz ölkə olaraq, çox ciddi bir prosesdən keçdik, Ordumuz düşmənə layiqli cavab verdi və məqsədlərini puç etdi. Şəhidlərimizə minnətdarıq, ruhları kimi, onların ailələri, doğmaları da bizimçün həmişə əziz olacaq”, - Q.Paşayeva bildirib.

Millət vəkili Məşhur Məmmədov özünün də hadisələr vaxtı Tovuza getdiyini, Ordunun, yerli əhalinin ovqatı ilə tanış olduğunu və ordu-xalq, xalq-dövlət birliyinin sarsılmazlığına şəxsən şahidlik etdiyini deyib.

Millət vəkilli Anar İsgəndərov şəhidlərimizin fədakarlığının, qəhrəmanlığının tarixi ənənələrə əsaslandığını bildirərək, şəhidlərimizin döyüş yolunun öyrəniləcəyinə, yeniyetmə və gənclər tərəfindən örnək alınacağına inandığını deyib.

Əslən Masallıdan olan RHİM İB sədri Arzu Bağırova və şəhidin ailə üzvləri öz ürək sözlərini bölüşüb.

Qonaqlar şəhidin ailə üzvlərinin qayğıları ilə maraqlanıb. Qeyd edilib ki, şəhidlərimizin hər birinin ailəsi dövlətimizin başçısı cənab İlham Əliyevin və Birinci vitse-prezident Mehriban xanım Əliyevanın yüksək diqqətindədir və hər kəs də şəhid ailələrinə münasibətdə ali dövlət rəhbərliyinin münasibətini özünə örnək almalıdır.

Tarix
2020.08.02 / 16:21
Müəllif
Axar.az
Şərhlər
Digər xəbərlər

Başçı Şəhidlər kompleksini dağıdıb, 1 ha ərazini mənimsədi - Video

Beyrut partlayışının sirli məqamları: Yeni oyun başladı

TRT-dən erməni təxribatı ilə bağlı reportaj - Video

Orduya dəstək aksiyasında baş verənlər... - Video

Paşayeva MM-də danışdı: Onların qarşısında baş əyirik

Qəhrəmanlının vəkili danışdı: İşgəncə iddiası... - Video

Reanimasiyada olan korona xəstələrinin sayı açıqlandı

Tiflisdən İrəvana silah aparılmasına reaksiya

MM-in sabahkı iclasının gündəliyi açıqlandı

Peşə ixtisası ilə bağlı yeni qərar verildi

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla