Ordumuzun torpaqlarımızın bir hissəsini işğaldan azad etməsi Azərbaycan əsgərinə inamı və sevgini həddən artıq artırıb.

Bu sözləri Axar.az-a açıqlamasında ehtiyatda olan polkovnik Şair Ramaldanov düşmən işğalından azad edilən torpaqalarımızın hərbi-stratejı əhəmiyyəti barədə danışarkən deyib.

Onun sözlərinə görə, döyüşlər planlı şəkildə gedir və üst komandanlığın döyüşə necə istiqamət verdiyi, hansı prioritetlərinin olduğu göz önündədir:

“Azərbaycan Ordusu Ali Baş Komandanımızın əmrlərini yerinə yetirərək öz torpaqlarını azad etmə prosesini davam etdirir. Azad edilmiş torpaqlarmızın strateji əhəmiyyəti isə qələbələri davam etdirməyə imkan yaradır”, - polkovnik bildirib.

Şair Ramaldanov həmçinin işğaldan azad edilmiş ərazilərin hücum üstünlükləri yaratdığını da qeyd edib.