30 il ərzində heç bir şey dəyişməyib. Eyni problem... Ermənilərin qanunsuz olaraq işğal etdikləri bu yerlər azərbaycanlıların geri qayıtmaq istədikləri ərazilərdir. Bütün bunlar indi münaqişənin kəskinləşməsinə səbəb olub. Çox istərdim ki, bütün bunlar başa çatsın.

Axar.az xəbər verir ki, bu sözləri Azərbaycanın paytaxtı Bakıda doğulub boya-başa çatan və hazırda Moskvada yaşayan stilist Vladislav Lisovets deyib.

O, işğal altında olan torpaqların tezliklə qaytarılmasını istədiyini bildirib:

“Mən çox istərdim ki, bu məsələ tezliklə həllini tapsın və insanlara onlara məxsus olan geri qaytarılsın... Bu, minimal insan itkisi ilə baş versin”.