Ermənistanda parlament seçkiləri Konstitusiya və Seçki Məcəlləsinə uyğun keçirilib.

Axar.az xəbər verir ki, bu sözləri bu gün keçirdikləri mətbuat konfransında MDB-nin müşahidə missiyasının rəhbəri İlhom Nematov deyib.

Onun sözlərinə görə, missiya monitorinqlərə 31 maydan başlayıb:

“Ermənistanın hazırkı Seçki Məcəlləsi azad və açıq səsvermə keçirməyə imkan verir”.

O deyib ki, missiya üzvləri seçki vaxtı 700-dən çox seçki məntəqəsini ziyarət edib:

“Seçki prosesi qanunvericiliyə və Seçki Məcəlləsinin tələblərinə uyğun keçirilib. Müşahidəçilər nəticələrin şübhə altına ala biləcək heç bir ciddi pozuntu aşkar etməyib. Seçki komissiyaları seçkilərin yüksək səviyyədə keçməsini təmin edib”.

Müşahidəçilər seçkilərin obyektiv və açıq keçdiyini bildirib.