21:50

Türkiyədə baş verən yanğınların söndürülməsinə yardım etmək üçün 21 iyulda Bakıdan yola düşən FHN qrupu hazırda Çorum şəhərindədir.

Axar.az-ın Türkiyəyə ezam olunmuş müxbiri xəbər verir ki, su və qida üçün qısa müddətə Çorumda dayanan Azərbaycan yanğınsöndürmə heyətini Çorumun bələdiyyə başqanı Xəlilibrahim Aşqın və AKP Çorum il başqanı Yusif Ahlatçının rəhbərliyi ilə Azərbaycan və Türkiyə bayrağı dalğalandıran insanlar qarşılayıb.

Mediaya qısa açıqlama verən türkiyəli yetkililər - Xəlilibrahim Aşqın və Yusif Ahlatçı qardaş dəstəyindən qürurlandıqlarını, hər zaman Azərbaycan üçün şəhid olmağa hazır olduqlarını bildiriblər.

FHN-çi qrupun rəhbəri isə hazırda 254 nəfərlik yanğınsöndürən və xilasedici, 54 texnika ilə yanğın bölgəsinə tələsdiklərini və işlərinin öhdəsindən gəlməyə hazır olduqlarını bildirib.