Ana səhifə Gündəm |
Azərbaycan Avrasiya İttifaqı məsələsinə ancaq maraqlarına cavab verildiyi və Ermənistan işğaldan əl çəkdiyi halda baxa biləcəyini bəyan edib.
Bu barədə Axar.az-a Milli Məclisin deputatı, politoloq Rasim Musabəyov erməni ekspert Stepan Safaryanın müsahibəsini şərh edərkən deyib.
"Azərbaycan tərəfi Avrasiya İttifaqı məsələsinə ancaq maraqlarına cavab verdiyi və Ermənistan işğaldan əl çəkdiyi halda baxa biləcəyini bəyan edib. Ancaq hələlik rəsmi Bakının gündəliyində belə bir məsələ yoxdur. Regionun açarı Azərbaycandadır, bunu İrəvan da bilir. Çünki Azərbaycanın əhalisi Cənubi Qafqazın üçdə ikisini, iqtisadiyyatı isə regionun dörddə üçünü təşkil edir. Görünür, Ermənistanda artıq çox yaxşı anlayırlar ki, Azərbaycanla yaxşı münasibət qurmadan bölgədə söz sahibi ola bilməyəcəklər. Stepan Safaryanın bu gün Avrasiya inteqrasiya proyekti adı altında təhqiramiz bir situasiyaya düşdüklərini bildirməsi Ermənistanın açıq etirafıdır ki, Azərbaycansız mümkün deyil".
Qeyd edək ki, erməni ekspert Stepan Safaryan mətbuata müsahibəsində İrəvanın inteqrasiya proyekti adı altında təhqiramiz bir situasiyaya düşdüyünü, yeganə çıxış yolunun Azərbaycanın Avrasiya İttifaqına üzv olmaq istəyəcəyi təqdirdə Ermənistanın sərhədlərin dəqiqləşdirilməsi ilə bağlı veto tətbiq etməyidir.
Tarix
2015.10.13 / 09:09
|
Müəllif
Aygün Yusibova
|