Ana səhifə Gündəm |
Suriya və İraqdakı problemlər bir gün bitəcək. Buna inancımız sonsuzdur.
Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan yerli rəhbərlərlə görüşü zamanı deyib.
O, Türkiyənin Avropaya nisbətən Suriya və İraqdan gələn qaçqınlar arasında fərq qoymadığını bildirib:
"Türkiyə Suriya və İraqdan gələn 2,5 milyon qaçqını qəbul etdi. Avropa ölkələri isə çaxnaşmaya düşdü. Hətta Avropa Birliyinin gələcəyini müzakirəyə çıxardılar.
Onlar Aralıq dənizində miqrant gəmilərini batırmağa çalışarkən, biz 65 min qurbanı dənizdə xilas etdik.
Bu günə qədər suriyalı qaçqınlar üçün 8 milyard dollar xərclədik. Türkiyə hər kəsə qapılarını açarkən, Avropa ölkələri insan seçir. Suriya və İraqdakı problemlər bir gün bitəcək. Buna inancımız sonsuzdur".
Ərdoğan deyib ki, həmin vaxt gəldiyində ağıllarda yalnız Türkiyənin sərgilədiyi insani mövqe qalacaq:
"Özümüzü onların yerinə qoyaq. Heç kim bizə bu məsələdə ağıl verməsin. Bizim bu vətəndən başqa vətənimiz yoxdur. Ona görə də, bizə bu vətəni dar etmək istəyənlərə biz bu vətəni dar edərik".
Tarix
2015.11.04 / 16:56
|
Müəllif
İlham Sahiloğlu
|