Bakıda yol polisi sistemində rəhbər vəzifələrə yeni təyinatlar olub.

Belə ki, Səbail Rayon Polis İdarəsinin Yol Polisi Şöbəsinin rəisi polis polkovnik-leytenantı Fərhad Eyyubov Bakı şəhər Baş Polis İdarəsinin Dövlət Yol Polisi İdarəsinin rəis müavini vəzifəsinə təyin edilib.

Milli.az-ın məlumatına görə, Bakı şəhər Baş Polis İdarəsinin Dövlət Yol Polisi İdarəsinin bölük komandiri, polis mayoru Cəmşid Hənifəyev Bakı şəhər Səbail rayon Polis İdarəsinin Yol Şöbəsinin rəisi təyin edilib.

Ötən gün isə Yasamal Rayon Polis İdarəsinin Yol Polisi Şöbəsinin rəisi polis polkovnik-leytenantı Elşad Məmmədov Bakı şəhər Baş Polis İdarəsinin Dövlət Yol Polisi İdarəsinin Yol Patrul Xidməti Alayının bölük komandiri vəzifəsinə təyin edilmişdi.

Həmin İdarədə rəis müavini işləmiş polis polkovnik-leytenantı Qələndər Qəhrəmanov Yasamal Rayon Polis İdarəsinin Yol Polisi Şöbəsinə rəis gətirilmişdi.