Ermənistan qədər Rusiyanın vassalı olan ikinci dövlət tapmaq çətindir.

Axar.az xəbər verir ki, bu barədə politoloq Elxan Şahinoğlu öz Feysbuk hesabında yazıb. Onun sözlərinə görə, Rusiya siyasətçiləri və ekspertləri prezidentlərinin verdiyi mesajla yeni mövzu ortaya atıblar:

"Mesaja görə, dövlətlər suveren olmalıdırlar ki, müstəqil qərarlar qəbul edə bilsinlər. Putin və onun siyasi dəst-xəttini müdafiə edənlər misal olaraq Almaniya, Fransa, Polşa və digər Avropa dövlətlərini göstərirlər. Demək istəyirlər ki, bu dövlətlər xarici siyasət və təhlükəsizlik məsələlərində müstəqil qərar verə bilmir, ABŞ-ın istək və arzularını yerinə yetirir, bir sözlə, Vaşinqtonun təsiri altındadırlar. Putin rəsmən ABŞ-a işarə edərək dedi ki, "biz vassal olmaq istəmirik". İlk baxışdan Kreml sahibi burada pis heç nə demir. Ancaq bunu deyərkən, ABŞ-dan fərqli siyasət də yürütmür. Bəs Avrasiya İttifaqı, Kollektiv Təhlükəsizlik Müqaviləsi Təşkilatı (KTMT) nədir? Rusiya bu qurumlarda dominant deyilmi? Ermənistan qədər Rusiyanın vassalı olan ikinci dövlət tapmaq çətindir".