Bu gün Azərbaycan Kikboksinq Federasiyasının prezidenti, millət vəkili Adil Əliyev LAYF Xeyriyyə İctimai Birliyinin qonağı olub.

Axar.az xəbər verir ki, görüşdə LAYF birliyinin cəmiyyətdə gördüyü xeyriyyəçilik işlərindən danışılıb və qarşıda Azərbaycan Kikboksinq Federasiyası ilə birgə bir sıra xeyriyyə tədbirlərinin həyata keçirilməsi müzakirə olunub.
LAYF İctimai Birliyi könüllü qan donorluğunun təbliğatında önəmli layihələrə imza atmış qeyri-hökumət təşkilatıdır. Birliyin qurucuları Mustafa Abbasbəyli və Emil Vəliyev Azərbaycan Kikboksinq Federasiyası ilə əməkdaşlıq etməkdən məmnun olduqlarını qeyd edib, birlikdə daha böyük layihələrə imza atmaq arzusunda olduqlarını bildiriblər.

Xatırladaq ki, təşkilatların əməkdaşlığı nəticəsində qanvermə aksiyası, "Qan Donorları Arasında 1-ci Açıq Futbol Çempionatı" kimi bir sıra önəmli xeyriyyə tədbirləri həyata keçirilib.