Fevralın 22-də Rusiya döyüş təyyarələrinin səhvən kürdləri hədəfə alması ilə bağlı maraqlı məlumat yayılıb.

Axar.az Star-a istinadən xəbər verir ki, Türkiyə ordusunun KORAL hava hücumundan müdafiə sistemi Rusiya reaktivlərini çaşdırıb. Bu səbəbdən düzgün koordinasiya almayan reaktivlər kürd mövqelərini hədəf seçib.

KORAL sistemi ötən ilin iyulunda Hatay vilayətində Rusiya döyüş təyyarələrinə qarşı sınaqdan keçirilib. Bu hadisədən sonra reaktivlər ard-arda 4 dəfə hədəfi səhv salıb.

Məşhur türkiyəli hərbi eksper Məsud Haqqı açıqlamasında Rusiyanın elektron sisteminin Türkiyədən zəif olduğunu deyib:

"Rusiya bölgəyə S-300 və S-400 hava hücumundan müdafiə sistemi göndərsə də, elektron sistemləri Türkiyədən daha zəifdir. Rusiyanın "Krasuxa" radar sistemi həm də NATO vahidlərini nəzarətdə saxlamaq üçün Suriyaya göndərilib".

Xatırladaq ki, fevralın 22-də Türkiyə ordusunun invertarına daxil edilən KORAL sistemini ASELSAN şirkəti istehsal edilib. Sistem düşmən radarlarını təyin etməklə yalançı hədəf göstərə bilir.