Azərbaycanla sərhədin delimitasiyası prosesində referendum mümkündür.

Axar.az xəbər verir ki, bunu Zəngəzurun Sinuayr kəndinin sakinləri ilə görüşündə Ermənistan Baş naziri Nikol Pşinyan deyib.

O bildirib ki, buradan 100 kv.m verib, oradan 100 kv.m almaq - mübadilə təklifinin olacağı vəziyyəti qəbul edir. Bu halda hakimiyyət heç nə qərar verə bilməz - referendum keçirmək lazım gələcək.

“Biz düzgün başa düşməliyik: Azərbaycanla yeni sərhəd formalaşdırmırıq, sovet dövrünün sərhədlərini bərpa edirik”, - deyə o bildirib.

O, kənd sakinlərini əmin edib ki, hakimiyyət öz ərazilərinin bir metrini də heç kimə verməyəcək.