2016-cı il 15 iyulda Türkiyədə baş verən çevriliş cəhdi zamanı Prezident Rəcəb Tayyib Ərdoğana qarşı hazırlanan sui-qəsd planının detalları ortaya çıxıb.

Axar.az Globalinfo.az-a istinadla xəbər verir ki, bu barədə “TRT haber” məlumat yayıb.

Məlumata görə, həmin vaxt sui-qəsdin gerçəkləşməsi üçün yardıma gedən Türkiyə ordusunun iki zabitinin səs yazısı 8 il sonra deşifrə edilib. Onların çevriliş zamanı İzmirdə yerləşən hərbi donanmada sui-qəsdçilərin helikopterinin eniş etməsinə icazə verdikləri məlum olub. Həmçinin helikopterlərin FETÖ təşkilatının üzvlərini daşınmasına da şərait yaradıblar.

Hadisədən 7 il sonra mütəxəssislər çevriliş zamanına aid telefon danışıqları və cihazlardakı səs yazılarını yoxlamağa başlayıblar. Bu zaman gözlənilməz şəkildə iki zabit arasında keçən dialoq ortaya çıxıb. Səs yazısındakı şəxslərin prezidentə sui-qəsd təşkil edən komandaya rəhbərlik edən keçmiş briqada generalı Gökhan Şahin Sönmezateş və keçmiş mayor Şükrü Seymenə məxsus olduğu müəyyənləşib. Onların “Qartal 1” və “Kurt” təxəllüsündən istifadə edərək komandaları yönləndirdikləri bəlli olub.

Hər iki zabit barəsində cinayət işi açılıb və ömürlük həbsə məhkum ediliblər.