İraqda fəaliyyət göstərən "Rudaw" portalı Bakıda küçədən guya partlayıcı qurğu tapıldığı iddiası ilə məlumat paylaşıb.

Axar.az xəbər verir ki, bununla bağlı portalın yaydığı görüntüdə iddia edib ki, hadisə bu gün "baş verib" və “bombanı” zərərsizləşdirilməsinə “polis və təhlükəsizlik qüvvələri” cəlb edilib.

Ancaq “bomba zərərsizləşdirənlərin” geyimi, ətrafda heç bir təhlükəsizlik tədbirinin görülməməsi, üstəlik polislərin adi iş qaydasında davranışı yayılan videonun feyk olduğunu anlamağa kifayət edir.

Azərbaycan Daxili İşlər Nazirliyi də bildirib ki, məlumat yalandır:

“Yolun kənarından tapılan bağlama yemək çatdırılmasını həyata keçirən şirkətlərdən birinə aid olub”.