Yuxarı

Azərbaycanla əməkdaşlığa xüsusi önəm veririk - İtaliya

Ana səhifə Gündəm
12 Punto 14 Punto 16 Punto 18 Punto

Beynəlxalq Mətbuat Mərkəzində Azərbaycan Gənc Diplomatlar Birliyinin təşkilatçılığı ilə "Auditoriyada səfirdir" layihəsi çərçivəsində İtaliyanın Azərbaycandakı səfiri Ciampaolo Kutillo ilə görüş keçirilib.

Birlikdən Axar.az-a verilən məlumata görə, Azərbaycan Gənc Diplomatlar Birliyinin baş katibi Eltun İbrahimov İtaliya–Azərbaycan əlaqələrindən söz açaraq ölkələrimiz arasındakı münasibətlərin inkişafında gənclərin mühüm rolunu qeyd edib. O deyib : "Azərbaycanlı tələbələrin İtaliyada təhsil alması bizi çox sevindirir. Onlar həm oxuyur, həm də diaspor fəaliyyətinin genişlənməsinə töhfələrini verirlər. Bu, bizim üçün qürurvericidir".

Azərbaycanın bütün sahələri əhatə edən dinamik inkişafından danışan Milli Məclisin üzvü, professor Elman Nəsirov bildirib ki, Prezident İlham Əliyevin apardığı uğurlu xarici siyasət nəticəsində dünyanın aparıcı ölkələri ilə yüksək səviyyəli əlaqələr qurulub.

İtaliyanı Azərbaycanın önəmli ticarət tərəfdaşı adlandıran deputat ölkələrimiz arasında siyasi əlaqələrin hazırki vəziyyətini yüksək qiymətləndirib. O, ölkələrimizin münasibətlərin daha da möhkəmlənməsində maraqlı olduğunu vurğulayıb.

Diplomatik fəaliyyəti ilə bağlı tədbir iştirakçılarına qısa məlumat verən İtaliyanın Azərbaycandakı səfiri Ciampaolo Kutillo deyib ki, ölkəsi Azərbaycan ilə əməkdaşlığa xüsusi önəm verir. Azərbaycanın son illər əldə etdiyi uğurları yüksək qiymətləndirən səfir ölkələrimiz arasında siyasi-iqtisadi əlaqələrin inkişafından məmnunluğunu ifadə edib. O, Azərbaycanı multikulturalizm dəyərlərinin mövcud olduğu ölkə adlandırıb.

Ölkələrimiz arasında əlaqələrin inkişafına toxunan səfir qeyd edib ki, Azərbaycan ilə İtaliya arasında əməkdaşlığın böyük tarixi var. Azərbaycanın təşəbbüskarı və iştirakçısı olduğu enerji layihələrini yüksək dəyərləndirən italiyalı diplomat "Cənub Qaz Dəhlizi"nin önəmini vurğulayıb.

Azərbaycan dövlətinin apardığı uğurlu gənclər siyasəti barədə danışan Birliyin məsləhətçisi Taleh Quliyev belə görüşlərin keçirilməsinin gənclər üçün vacib olduğunu deyib. O, Azərbaycan həqiqətlərinin, onun ədalətli mövqeyinin dünyaya çatdırılmasında gənclərin vacib rol oynadığını bildirib.

Sonda tədbir iştirakçılarının sualları cavablandırılıb.

Tarix
2016.06.27 / 21:30
Müəllif
Axar.az
Şərhlər
Digər xəbərlər

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla