20:40

Bakı şəhəri, Sabunçu rayonu, Bilgəh qəsəbəsində ən yaxın sularda xilasetmə məntəqəsindən 1 km aralı dənizdə nəzarətsiz ərazidə 1 nəfər batıb.

Fövqəladə Hallar Nazirliyindən (FHN) Axar.az-a bildirilib ki, Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.

Axtarışlar nəticəsində dalğıclar tərəfindən 2005-ci il təvəllüdlü Niyaz Vasif oğlu Pirməmmədovun meyiti sudan çıxarılaraq aidiyyəti üzrə təhvil verilib.

***

Dalğıc-xilasedicilər tərəfindən həyata keçirilən operativ xilasetmə əməliyyatı sayəsində vətəndaşlar; 2001-ci il təvəllüdlü Məhəbbət Şövkət oğlu Fətəliyev, 2000-ci il təvəllüdlü Sahil Bəhruz oğlu Mustafayev, 2001-ci il təvəllüdlü Elbrus Zümrüd oğlu Cəlalov xilas edilib.

Bu barədə Fövqəladə Hallar Nazirliyinin mətbuat xidməti məlumat yayıb.