Çox hörmətli dostlarımız, bizi tanıyan və tanımayanlar! Hər birinizə ayrı-ayrılıqda minnətdaram. Dünən bəzi media və xəbər portallarının yalan xəbəri bizi və dostlarımızı çox üzdü.

Axar.az xəbər verir ki, bu sözləri hazırda komada olan rejissor Şahin Zəkizadənin qohumu, prodüser Adil Adiloğlu rəsmi Feysbuk səhifəsində yazıb. O, Şahin Zəkizadənin vəziyyətinin stabil olduğunu bildirib:

“Qərara gəldim ki, özüm hər gün məlumat paylaşım, bir də bu cür xoşagəlməz xəbərlər olmasın. Baş həkimdən aldığım məlumata görə, Şahin Zəkizadənin vəziyyəti stabil-ağır olaraq qalır və müalicəsi reanimasiya şöbəsində davam etdirilir. Göydə Allah, yerdə həkimlər və siz dəyərli dostlarımızın dualarına ehtiyacımız var”.

Qeyd edək ki, dünən bəzi mətbuat orqanlarında qan xərçəngindən əziyyət çəkən rejissor Şahin Zəkizadənin vəfat etməsi ilə bağlı xəbərlər yayılmışdı.