“Titanik”də stüardessa kimi çalışan Meybl Bennettin şubası Britaniyada keçirilən hərracda 181 min funt-sterlinqə (232 min dollara) satılıb.

Axar.az “Xinhua”ya istinadla xəbər verir ki, hərracdan öncə şubanın maksimum qiyməti 102 min dollar təxmin edilirmiş.

Bennettin bu şubanı “Titanik” batarkən gecə köynəyinin üstündən geymək üçün son anda götürdüyü bildirilir. Xilas olduqdan sonra isə Benett şubanı “xilaskarı” kimi qoruyub saxlayıb. Çünki “Titanik” batarkən suya düşənlərin əksərinin soyuqdan öldüyü bildirilirdi.

Qeyd edək ki, Bennet ailəsi bu şubanı ABŞ muzeyində nümayiş olunduqdan sonra 1999-cu ildə satmışdı.