Bu gün bizim planetə zərər vuruldu.

Kult.az xəbər verir ki, bunu jurnalistlərə açıqlamasında məşhur amerikalı aktyor Leonardo Di Kaprio söyləyib.

“Prezident Donald Trampın qərarı yanlışdır. Bu gün bizim planetə zərər vuruldu. İndi planetimizin qorunması əvvəlkindən daha vacibdir”, – deyə o bildirib.

Amerikalı rejissor Maykl Mur da Trampın qərarını pisləyib. O, Trampın bununla insanlığa qarşı cinayət işlədiyini bildirib.

Qeyd edək ki, ötən gün ABŞ Prezidenti Donald Tramp Paris iqlim müqaviləsindən çıxdığını rəsmən elan edib. Bundan sonra Trampa qarşı tənqidlər səngimək bilmir.