Nobel qardaşları şirkətlərinin loqotipində Atəşgah məbədini də təsvir ediblər.

Kult.az xəbər verir ki, bu barədə məlumatı SOCAR-ın rəsmi Feysbuk səhifəsi paylaşıb. Məlumata görə, Nobel qardaşları atəşpərəstlik fəlsəfəsinə ciddi şəkildə maraq göstəriblər. Bu səbəbdən dünyaca məşhur şirkətlərini təsis edərkən loqotip kimi Atəşgah məbədini simvol olaraq seçiblər.

Qeyd edək ki, İsveç vətəndaşları olan Nobel qardaşları Bakı neft sənayesinə investisiya qoyan ilk əcnəbilərdir. 1875-ci ildə kiçik bir ərazini satın alaraq öz şirkətini quran Nobel qardaşları daha sonra 1879-cu ildə bu şirkəti “Nobel Qardaşları Neft İstehsal Cəmiyyəti” anonim şirkətinə çevririrlər. Şirkətin yaranmasının 5 illiyində qardaşların kapitalı artıq 3 milyona çatır.