Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Yanvar 2020


“Culture Guide” çapdan çıxdı

Ana səhifə Hadisə
12 Punto 14 Punto 16 Punto 18 Punto

Sentyabr ənənəvi olaraq yeni teatr mövsümümün başlandığı aydır. Teatrlarımız təxminən iki ay sürən yay tətilindən sonra tamaşaçılarla görüşə maraqlı repertuar və premyeralarla gəlirlər. Paytaxtın muzey və sərgi salonları, digər mədəniyyət məkanları da sənətsevərlərə maraqlı layihələr hazırlayıblar. Regionlarımızın da mədəni həyatı da zəngindir. Bütün bunları “Culture Guide” mədəniyyət bələdçisinin yeni çapdan çıxan sentyabr buraxılışında da görmək mümkündür.

Kult.az xəbər verir ki, Azərbaycanın əcnəbi qonaqlarına ölkəmizin mədəni irsi, incəsənəti, sənət ocaqlarının fəaliyyəti barədə dolğun məlumat vermək, onların ölkəmizlə bağlı təəssüratını yaddaqalan etmək məqsədi daşıyan “Culture Guide” kataloqu hər ay ingilis və rus dillərində hazırlanaraq nəşr olunur.

Mədəniyyət bələdçisinin ənənəvi təqdimat yazısında müsəlman Şərqində ilk peşəkar teatrın, kinematoqrafın, operanın Azərbaycanda yarandığı diqqətə çatdırılır, respublikanızın mədəniyyətlərarası dialoqa töhfələrindən, bir çox beynəlxalq tədbirlərə ev sahibliyi etməsindən bəhs olunur.

“Böyük bəstəkarın musiqisinin işığında” yazısı Heydər Əliyev Fondunun və Mədəniyyət Nazirliyinin təşkilatçılığı ilə keçiriləcək Üzeyir Hacıbəyli festivalı haqqındadır. Bundan əlavə, kataloqun müvafiq bölmələrində festivalın konsert və teatr müəssisələrində keçiriləcək tədbirləri barədə afişa-məlumatlar verilib.

Bu ay ölkəmizdə keçiriləcək daha bir festival Azərbaycanın böyük şairi və mütəfəkkiri İmadəddin Nəsiminin adı ilə bağlıdır. “Poeziya, incəsənət və mənəviyyat festivalı” başlıqlı yazıda Heydər Əliyev Fondunun və Mədəniyyət Nazirliyinin təşkilatçılığı ilə (28 sentyabr – 1 oktyabr) ikinci dəfə reallaşacaq layihə barədə söz açılır.

“Culture Guide” oxucularına həmçinin Mədəniyyət Nazirliyinin təşkilatçılığı ilə 27-29 sentyabr il tarixində keçiriləcək VI Bakı Beynəlxalq Kitab Sərgi-Yarmarkası haqqında məlumat verilir.

Hər il Azərbaycanın rayonlarında da qonaqların diqqətini çəkən müxtəlif bayramlar, festivallar keçirilir. Onların sırasında regionlarımızı şöhrətləndirən yerli mətbəxə, təbiət nemətlərinə həsr olunan tədbirlər xüsusilə seçilir. “Hər dad üçün bayramlar” başlıqlı yazı bu yaxınlarda Qubada ilk dəfə təşkil olunan “Regional mətbəx festivalı”, habelə artıq ənənə halını almış və qarşıdakı aylarda reallaşacaq “Alma bayramı”, “Nar bayramı” (Göyçay) haqqındadır.

“Culture Guide” kataloqunun hər sayında ölkəmizin dünya mədəniyyət xəzinəsinə töhfələri, paytaxtla yanaşı, regionlarımızdakı dünya əhəmiyyətli mədəni irs nümunələri barədə yazılar dərc edilir. Nəşrin sentyabr buraxılışında UNESCO-nun Qeyri-maddi mədəni irs siyahısına yer alan kəlağayı sənəti, tar və kamança ifaçılığı və bu alətlərin hazırlanması, eləcə də lavaş və dolma kimi mətbəx nümunələrimizdən bəhs olunur. “Keçmişin abidələri – tarixin izləri” başlıqlı yazıda isə Azərbaycanın qədim abidələr diyarı olduğu qeyd edilir, tarixi abidələrin mühafizəsi və bərpası ilə bağlı görülən işlərdən söz açılır.

“Culture Guide”ın yeni buraxılışında ənənəvi olaraq Bakıdakı mədəniyyət müəssisələri haqqında təqdimat-tanıtma səciyyəli informasiyalar, teatr və konsert müəssisələrinin repertuarı, digər mədəniyyət ocaqlarının, qalereyaların, əyləncə məkanlarının bu ay üçün maraqlı tədbirləri diqqətə çatdırılır. Bundan əlavə, hər zaman xarici qonaqları cəlb edən tarixi-mədəni məkanlar – Qobustan qoruğu, İçərişəhər, Atəşgah məbədi və Yanardağ haqqında məlumatlar, turistlərin ölkəmizdən özləri ilə hansı suvenir və “dadlı xatirələr”i apara biləcəklərinə dair tövsiyələr də nəşrdə yer alıb.

Nəfis tərtibatda hazırlanan mədəniyyət bələdçisində hər ay Azərbaycanın tanınmış rəssamlarının əsərlərinin reproduksiyası verilir. Bu dəfə “Culture Guide”ın 1-ci səhifəsində Əməkdar rəssam Rafael Abbasovun “Qızıl payız” tablosu əks olunub.

Tarix
2019.09.04 / 11:37
Müəllif
Kult.az
Şərhlər
Digər xəbərlər

Siyəzən silkələndi - Zəlzələ

Balayevin qollarını burub, yerə uzadıblar... – Qanlı tarix

"Ögey ana" onun həyatından bəhs edirmiş - Video

Elmira Əliyeva vəfat etdi

Xəstə üçün gələn 3 təcili yardımın 3-ü də qəzaya düşdü - Şok

Bakıda istirahət mərkəzində yanğın

Meksikada 10 musiqiçi yanaraq öldü

Əkbər Qoşalının yazısı populyar özbək saytında yayımlandı

Bakıda səfirlik maşını azyaşlı bacıları vurub qaçdı

ADU-da Bünyadzadə müsabiqəsinə yekun vuruldu - Foto

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla