Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
11 İyul 2020


Koronaya yoluxan əməkdar artist danışdı: Böyük bir bəla

Ana səhifə Hadisə
12 Punto 14 Punto 16 Punto 18 Punto

Kult.az koronavirusa yoluxaraq xəstəxanaya yerləşdirilən İrəvan Dövlət Azərbaycan Dram Teatrının baş rejissoru əməkdar artist Sərvər Əliyevin Teleqraf.com-a müsahibəsini təqdim edir:

- Sərvər müəllim, koronavirus şübhəsi ilə xəstəxanaya yerləşdirilmisiniz. Testin nəticəsi necədir?

- Test edildi və nəticəsi pozitiv çıxdı. Heç özüm də bilmirəm, virusa necə yoluxmuşam. Mən və ailəmiz özümüzü qoruyurduq. Karantin qaydaları yumşaldılıb, çölə çıxdıqdan sonra virusa yoluxdum. Özümüzü çox ciddi qoruyurduq. Martın 7-dən Dərbənd Teatrından gəlmişəm. Evə qapanmışdıq, özümüzü izolyasiya etmişdik.

- Ailə üzvləriniz də koronavirusa görə test edildi?

- Bəli, hamısı test edildilər, amma onlarda testin nəticəsi neqativ çıxdı. Mən ürək və şəkər xəstəliyindən də əziyyət çəkirəm. Ona görə bir az vəziyyətim çətindir. Dünən reanimasiyada idim, bu gün palatadayam, özümü yaxşı hiss etməyə başladım. Ötən günə qədər çox qorxu-həyəcan keçirirdim. Bu gün artıq rahatam.

- Sizdə virusun simptomları özünü necə büruzə verir?

- Temperaturum 37.5, 37.7-dən aşağı düşmür. Beş gün yüksək temperaturdan əziyyət çəkdim. Sonra məcbur olub, təcili yardıma zəng etdim. Əməkdar artist Şəfəq Əliyeva da koronavirusa yoluxmuşdu. Ona zəng elədim, dedi ki, yubatma, müalicə edəcəklər, hər şey yaxşı olacaq. Tez zəng elədim və müalicəyə başladılar. M.Ə.Əfəndiyev adına 2 saylı Şəhər Kliniki Xəstəxanasındayam.

Həkimlərə təşəkkür edirəm, çox yaxşı baxırlar. Onların fədakarlığına qibtə edirəm. Neçə aydır ailə üzvlərini görmürlər. Həm də həkimlərimizə yazığım gəlir, insanların məsuliyyətsizliyi ucbatından belə çətinlik yaşayırlar. Hələ gündən-günə yoluxma sayı da çoxalır.

- Virusa yoluxmamaq üçün qaydalara riayət edirdiniz?

- Bəli, küçəyə çıxarkən maskadan da istifadə edirdim. Mənə elə gəlir ki, avtobusda virusa yoluxdum. Banka getmişdim, Rusiyadan maaşımı göndərmişdilər.

Azca öskürək də var. Məndə nəfəs darlığı yoxdur. Amma xəstəxanada elə xəstələr var var ki, boğulurlar, aparatla nəfəs alırlar. Bu, böyük bir bəla imiş. Düzünü deyim ki, virusa inanmırdım. Amma koronavirus varmış. Allah xalqımızı bu bəladan qorusun.

Mayın 25-dən xəstəxanadayam. Virusa yoluxmağımdan şübhələnmirdim. İnsanlar virusun simptomlarını hiss edən kimi dərhal həkimə müraciət etsinlər.

Tarix
2020.05.28 / 17:23
Müəllif
Kult.az
Şərhlər
Digər xəbərlər

Göyçayda 23 yaşlı oğlanı maşın vurdu: vəziyyəti ağırdır

Tarixi abidə zibillik içində: nazirlikdən reaksiya – Foto

Xalq artistinin oğlu koronadan ölüb?

Canəli Əkbərova daha bir ağır itki üz verdi

Dağlıq ərazidə baş verən yanğın söndürüldü

Kürdə 3 nəfər batdı - Yeniləndi

Daha bir həkim koronavirusa yoluxdu

Koronaya yoluxan yazar reanimasiyaya yerləşdirildi

Azərbaycanda baş həkim koronavirusa yoluxdu

Narkotikin təsiri ilə "şou" göstərən şəxs tutuldu - Video

KULT
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla