Qazaxıstanda Aktau yaxınlığında təyyarə qəzasında həlak olanların xatirəsinə qazax və Azərbaycan dillərində mahnı yazılıb.

Kult.az xəbər verir ki, mahnı sosial şəbəkələrdə yayılıb.

"Təniz-jürək" ("Dəniz ürəyi") adlı mahnının musiqisi Renat Qaysinə, sözləri isə Daniyar Aldabergen və Elmira Dehqaniyə məxsusdur.

Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.