Paris məhkəməsi məşhur fransız aktyoru Jerar Depardyeni 2021-ci ildə film çəkilişləri zamanı baş vermiş təcavüz hadisəsi ilə bağlı təqsirli bilib.

Kult.az xəbər verir ki, bu barədə BFMTV telekanalı məlumat yayıb.

Məşhur aktyor 18 ay şərti həbs cəzasına məhkum edilib.

Məhkəmədə sübut olunub ki, 2021-ci ildə “Yaşıl darvazalar” filminin çəkilişləri zamanı Depardye 54 yaşlı dekorator qadına və 34 yaşlı rejissor assistentinə qarşı seksual xarakterli hərəkətlər edib.

Prokurorluq aktyora 20 min avro məbləğində cərimə kəsilməsini də tələb edib.

Depardye ittihamları rədd edib.

Qeyd edək ki, Fransada Depardye bir neçə məhkəmə istintaqının obyektidir. O, aktrisa Şarlotta Arnoya qarşı seksual təcavüzdə şübhəli bilinərək istintaqa cəlb olunub. Bundan əlavə, 2024-cü ilin fevralından etibarən o, “ağırlaşdırıcı hallar fonunda vergi fırıldağı və çirkli pulların yuyulması” ilə bağlı istintaqa cəlb olunub.