2025.07.27, 20:50

Sumqayıt sahilində iki nəfər dənizdə batıb.

Axar.az Report-a istinadən xəbər verir ki, 16 yaşlı iki yeniyetmə dənizdə olarkən boğulma təhlükəsi ilə üzləşiblər.

Hadisə zamanı uşaqlardan biri çətinliklə sudan çıxmağı bacarıb. Digərinə isə kömək etmək istəyən bir şəxs öz həyatını riskə ataraq dənizə girib.

2009-cu il təvəllüdlü Əli Cabbarov, eləcə də ona kömək etməyə çalışan şəxs boğularaq həyatını itirib.

Onların axtarışları davam etdirilir.

***

Abşeronda dənizdə batan iki nəfərin meyiti sudan çıxarılıb.

Bu barədə Fövqəladə Hallar Nazirliyindən məlumat verilib.

Bildirilib ki, nazirliyin "112" qaynar telefon xəttinə Abşeron rayonu, Novxanı kəndində dənizdə nəzarətsiz ərazidə 2 nəfərin batması barədə məlumat daxil olub və dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları tərəfindən axtarışlara başlanılıb.

Dalğıc-xilasedicilər tərəfindən vətəndaşlar - 2003-cü il təvəllüdlü Rəvan Şahin oğlu Əliyev və 2009-cu il təvəllüdlü Əli Elşən oğlu Cabbarovun meyiti suda tapılıb çıxarılaraq aidiyyəti üzrə təhvil verilib.