Portuqaliya millisinin və “Əl Nəsr” klubunun ulduzu Kristiano Ronaldo ABŞ Prezidenti Donald Tramp və Səudiyyə Ərəbistanının vəliəhdi Məhəmməd bin Salman ilə Ağ Evdə keçirilən rəsmi şam yeməyində iştirak edib.

Axar.az xəbər verir ki, bu barədə “Röyters” məlumat yayıb.

Məlumata görə, şam yeməyində iştirak edən qonaqlar arasında FİFA prezidenti Canni İnfantino, amerikalı milyarder İlon Mask da yer alıb.

Mərasimdə çıxış edən Tramp bildirib ki, oğlu Berron Ronaldo ilə tanış olduqdan sonra atasına daha çox hörmət etməyə başlayıb:

“Bilirsiniz, mənim oğlum Ronaldonun böyük azarkeşidir. Berron onunla görüşdü, düşünürəm ki, sizi ona təqdim etdikdən sonra mənə olan hörməti bir az da artdı”, – Tramp zarafatla bildirib.