İtaliya nəhəngi “Yuventus” rəsmiləri Türkiyənin “Fənərbağça” klubunun mərakeşli hücumçusu Yusif ən-Nesyri üçün İstanbula gəliblər.

Axar.az xəbər verir ki, bu barədə türkiyəli idman jurnalisti Yağız Sabuncuoğlu məlumat yayıb.

O bildirib ki, tərəflər 21,5 milyon avroluq transfer və 5,8 milyon avroluq icarə haqqı barədə razılığa gəliblər.

Məlumata görə, hücumçuya transfer təklifi bu gün təqdim ediləcək. Əgər mərakeşli futbolçu təklifi qəbul edərsə, son prosedurlar baş tutacaq və Nesyri tibbi müayinələr üçün İtaliyaya gedəcək.

Qeyd edək ki, Nesyri bu il "Fənərbağça" forması ilə 25 oyuna çıxıb, 8 qol vurub və 1 məhsuldar ötürmə ilə yadda qalıb.