Səudiyyə Ərəbistanının “Əl-İttihad” klubunun fransalı futbolçusu Kərim Benzema yaxın vaxtlarda müqaviləsini ləğv edə bilər.

Axar.az xəbər verir ki, bu barədə Rusiya mediası məlumat yayıb.

Qeyd olunub ki, 38 yaşlı hücumçu müqavilənin uzadılması ilə bağlı təklifdən narazı qaldığı üçün klubu tərk etmək qərarına gəlib.

Məlumata görə, yanvarın 28-də klub rəhbərliyi ilə futbolçu arasında görüş keçirilib. Görüşün yekununda Benzema yeni şərtləri alçaldıcı hesab edib. Onun fikrincə, təklif olunan şərtlər komanda üçün faktiki olaraq pulsuz çıxış etməyə bərabərdir.

Qeyd edək ki, Benzema 2023-cü ildən “Əl-İttihad”ın formasını geyinir. Onun klubla müqaviləsinin müddəti bu ilin yayında başa çatır.