Nəriman Axundzadəni "Kolumbus Kryu"ya satan "Qarabağ"ın daha bir oyunçusuna yeni təkliflər gəlib.

Axar.az Sportinfo-ya istinadla xəbər verir ki, Elvin Cəfərquliyev İtaliya, Almaniya və Fransadan olan klubların transfer siyahısındadır.

Ağdam təmsilçisi adıçəkilən müdafiəçini satarsa, 3 milyon avro qazana bilər. Çünki ona dəvət göndərən Avropa komandalarından biri "köhlən atlar"a bu qədər təzminat ödəməyə hazırdır.

Sol cinah oyunçusunun "Qarabağ"la kontraktı gələn ilin yayında başa çatacaq. 2017-ci ildən burada çıxış edən 25 yaşlı Cəfərquliyevə indiyədək çoxsaylı təkliflər gəlsə də, heç birini dəyərləndirməyib.

Leandro Andrade də Asiyadan çox sərfəli təklif alıb. Kabo-Verde yığmasının üzvünün son vaxtlar zəif təsir bağışlamasının səbəbi də budur.

"Çelsi" ilə matçda adını tabloya yazdırmış yarımmüdafiəçi o vaxtdan bəri yaxşı mənada fərqlənə bilmir