Aldığım zədəyə görə klubu tərk etmək istəməyimlə bağlı yayılan söhbət yalandır.

Bu sözləri "Kəpəz" futbol klubunun braziliyalı hücumçusu Dario Federiko Axar.az-a danışarkən deyib.

Günü-gündən səhhətinin nisbətən yaxşılaşdığını deyən futbolçu "Kəpəz" stadionun süni ot örtüyü ucbatından aldığı ikinci zədəsinə görə klubu tərk etmək niyyətində olmadığını deyib:

"Mən elə söz deməmişəm. Məhz bu səbəbdən klubumu tərk etmək niyyətim yoxdur, amma yaxşı təklif gəlsə, əlbəttə ki, dəyərləndirəcəyəm".

Xatırladaq ki, AZAL – "Kəpəz" oyununun son dəqiqəsində gəncəlilərin aparıcı üzvü Dario Frederiko zədələnib. O, hücuma çıxarkən əzələsi dartılıb və yerdə qalıb.