Ana səhifə İdman |
“Qarabağ” klubu əsas komandanın qapıçısı Hannes Halldorssonun oktyabrın 18-də qəza törətməsi ilə bağlı açıqlama yayıb.
Axar.az xəbər verir ki, klub yaydığı məlumatda 34 yaşlı qolkiperin idarə etdiyi avtomobillə 1955-ci il təvəllüdlü Eyvazov Namiq Əbdüləzim oğlunu piyadalar üçün nəzərdə tutulmayan yerdən yolu keçməyə çalışarkən vurduğunu və dərhal ona yardım etdiyini bildirib:
“İslandiyalı oyunçu yaralıya ilkin tibbi yardım göstərərək, onu xəstəxanaya çatdırıb və bu barədə hüquq-mühafizə orqanlarına məlumat verib. Hüquq-mühafizə orqanları tərəfindən müvafiq prosedurlar tamamlandıqdan sonra qapıçı evinə yollanıb”.
Bundan başqa, yaralının ciddi xəsarət almadığı, sadəcə, sağ diz qapağında sürüşmə olduğu, həkimlərin anında müdaxilə etdiyi və yaxın günlərdə evinə buraxılacağının gözlənildiyi qeyd olunub.
Qeyd edək ki, Hannes Halldorsson “Qarabağ”a DÇ-2018-dən sonra transfer olunub.
Tarix
2018.10.19 / 13:04
|
Müəllif
Nərmin Əkbərli
|