"Qarabağ"ın şərəfini qoruyan bosniyalı qapıçı İbrahim Şehiçin adı transfer qalmaqalında hallanır. Belə ki, "Mersin İdman Yurdu"nun sabiq futbolçusuna görə Türkiyə klubu 2011-ci ildə "Jelezniçar"a təzminatını ödəməyib.

Qol.az yazıb ki, "Mersin İdman Yurdu" onlara borclu olduğu 425 min avronu noyabrın 10-dək ödəmələdir. Bosniya və Herseqovina klubunun prezidenti Almir Grediç əks təqdirdə, UEFA-nın İntizam Komitəsinə müraciət edəcəklərini bildirib.

Qeyd edək ki, İ.Şehiç 2011-2013-cü illərdə "Mersin İdman Yurdun"da 38 matçda iştirak edib. 1988-ci il təvəllüdlü Şehiç Bosniyanın Roqatika qəsəbəsində anadan olub.