Ana səhifə İdman |
18:40
Azərbaycan karateçisi "Minsk 2019" II Avropa Oyunlarında mübarizəyə başlayıb.
Axar.az xəbər verir ki, 84 kq çəki dərəcəsindəki Asiman Qurbanlı qrup mərhələsində məğlub olmayıb. A qrupunda yer alan karateçi öncə hollandiyalı Tirol Darnel Lardini məğlubiyyətə uğradıb - 2:0. Qurbanlı ikinci qarşılaşmasında Almaniya təmsilçisi Conatan Horne ilə heç-heçə (0:0) edib.
İdmançı üçüncü dueldə isə türkiyəli Alparslan Yamanoğlunu sınağa çəkib. Bu görüşdən də qələbə ilə ayrılan Azərbaycan təmsilçisi yarımfinala yüksəlib. Qurbanlı yarımfinalda Gürcüstan təmsilçisi Qoqita Arkaniyanı məğlubiyyətə uğradıb və finala yüksəlib, onun rəqibi xorvatiyalı İvan Kvesiç olacaq.
Qeyd edək ki, bundan öncə İrina Zaretska (68 kq) da finala yüksəlib. Roman Hüseynov isə kata yarışında bürünc medal qazanıb.
***
Karateçimiz Asiman Qurbanlı "Minsk 2019" II Avropa Oyunlarında qızıl medal qazanıb.
84 kq-dan yuxarı çəkidə yer alan Qurbanlı finalda xorvatiyalı Ancelo Kvasiçə qalib gəlib - 5:0.
Bu, Azərbaycanın 5-ci qızıl medalı olub. Bunadək isə digər karateçimiz İrina Zaretska gümüş medal qazanıb. 68 kq çəkidə yer alan qadın idmançı finalda italiyalı Silviya Semeraroya uduzub.
Tarix
2019.06.29 / 20:40
|
Müəllif
Axar.az
|