Ana səhifə İdman |
2019.07.18 - 22:57
Neftçi" UEFA Avropa Liqasında II təsnifat mərhələsinə vəsiqə qazanıb.
Axar.az xəbər verir ki, paytaxt təmsilçisi buna Moldova "Sperantsa"sını I raundun cavab matçında da məğlub etməklə nail olub. Səfərdə rəqibi 3 cavabsız qolla üstələyən "ağ-qaralar" evdə daha böyük hesablı qələbəyə seviniblər - 6:0.
"Neftçi"nin heyətində Vangelis Platellas 18-ci və 40-cı dəqiqələrdə fərqlənməklə dubl edib. Kapitan Emin Mahmudov 24-cü dəqiqədə penaltini dəqiq yerinə yetirib. Dario Frederiko 42-ci, Jozef Monroz 67-ci, İsmayıl Zülfüqarlı isə 73-ci dəqiqədə rəqib qapısına yol tapıb.
Qeyd edək ki, "Neftçi" II təsnifat mərhələsində Rusiyanın "Arsenal" komandası ilə qarşılaşacaq. İlk oyun iyulun 25-də Tulada, cavab görüşü isə avqustun 1-də Bakıda olacaq.
***
Bu gün Avropa Liqasında 1-ci təsnifat mərhələsinin cavab oyunları keçirilir.
Təmsilçilərimizdən "Səbail" səfərdə Rumıniyanın "Universitatya Krayova" ilə görüşüb. İlk görüşdə olduğu kimi, rəqib komanda bu dəfə də 3-2 hesablı qələbə qazanıb.
Bu nəticədən sonra "Səbail" Avropa Liqası ilə vidalaşıb.
“Universitatya Krayova” (Rumıniya) – “Səbail” (Azərbaycan) - 3:2
Qollar: K. Barbut, 28 (1:0), B.Veteyelu, 53 (2:0), A. Ramazanov, 67 (1:2), D. Duventru, 69 (2:2), Forteş, 90 (3:2)
Tarix
2019.07.19 / 01:03
|
Müəllif
Axar.az
|