Püşkatmadan dərhal sonra "Yanq Boyz" haqda kiçik araşdırma apardım. Maraqlı komandadır. Zəngin Avropa təcrübəsinə malikdilər. Həmçinin avrokuboklarda yaxşı nəticələri var.

Axar.az xəbər verir ki, bu sözləri "Qarabağ"ın baş məşqçisi Qurban Qurbanov APA-ya geniş müsahibəsində deyib. Ağdam klubunun baş məqçisi qeyd edib ki, belə oyunlarda ilk görüşün səfərdə olması üstünlük sayılır:

"Amma bunun əksi də ola bilər. Bəzən ilk oyunun evdə keçirilməsi sənə üstünlük verir. Məsələn, evdə qolsuz heç-heç edib, səfərdə 1 qol vursan, böyük üstünlük əldə etmiş olursan. Elə "Seltik"lə oyunu misal çəkə bilərəm".