Rusiya bir daha Yaxın Şərq münaqişəsinin bütün tərəflərini, Fars körfəzindəki ərəb dövlətlərinin ərazisinə zərbələr endirmək də daxil olmaqla, dövlətlərarası əməliyyatları dərhal dayandırmağa çağırır.

Axar.az xəbər verir ki, bu barədə Rusiya Xarici İşlər Nazirliyi bəyanat yayıb.

“Biz mülki şəxslərə və istənilən mülki obyektlərə - istər İranda, istərsə də Körfəz Ərəb Dövlətləri Əməkdaşlıq Şurası ölkələrində - hücumları tamamilə qəbuledilməz hesab edirik”, - bəyanatda bildirilib.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb.

İran cavab olaraq qonşu ölkələrin mülki infrastrukturuna da zərbələr endirir.