"Qarabağ" və Fransanın "Marsel" komandaları arasında keçiriləcək UEFA Konfrans Liqasının pley-off mərhələsinin cavab oyunu üçün indiyədək satılmış biletlərin sayı açıqlanıb.

Axar.az xəbər verir ki, bu barədə "Qarabağ" klubunun mətbuat katibi Gündüz Abbaszadə məlumat verib.

O bildirib ki, artıq 12500 bilet satılıb:

“Marsel” klubu il qarşılaşacaq “Qarabağ”ın matçına maraq böyükdür. Oyuna kifayət qədər bilet qalıb. Ucuz biletlər də mövcuddur. Azarkeşlər onlayn şəkildə və ya kassalara yaxınlaşaraq bilet əldə edə bilərlər. Oyuna bilet qiymətləri 5 manatdan 100 manata qədərdir".

Qeyd edək ki, fevralın 24-də Tofiq Bəhramov adına Respublika stadionunda oynanılacaq qarşılaşma saat 21:45-də başlayacaq. Fransadakı ilk oyunda "Qarabağ" 1:3 hesabı ilə uduzub.