Baş məşqçimiz tapşırıq verdi, mən də penaltini kənara vurdum.

Axar.az xəbər verir ki, bunu "Qarabağ"ın futbolçusu Elvin Məmmədov deyib.

O, "İnter"lə oyunda təyin olunan penalti epizodunu sportnet.az-a şərh edib: Dünyanın hər bir ölkəsində feyr pley var. Biz də buna əməl etməyi bacardıq. Təbii ki, penalti olsaydı, belə etməzdim. Sadəcə, o epizodda Qurban müəllim göstəriş verdi, mən də qırağa vurdum.

E.Məmmədov bildirib ki, hər bir insan səhv edə bilər: "Hakim insandır, görməyə, səhv edə bilər. Əsas məsələ odur ki, dərs çıxarasan. Başqa klublarda çıxış etdiyim vaxtlarda da bizim lehimizə və əleyhimizə qərarlar verilib".

Qeyd edək ki, qarşılaşma Ağdam klubunun 2:0 qələbəsi ilə yekunlaşıb.