İtaliya mətbuatı millimizlə oyuna çıxacaq ehtimal heyəti açıqlayıb.

Axar.az-ın xəbərinə görə, Azərbaycan-İtaliya matçı qonaq komanda üçün olduqca mühüm əhəmiyyət kəsb edir.

Baş məşqçi Antonio Kontenin Bakıdakı qarşılaşmada hansı heyətə şans verəcəyi haqda APA məlumat yayıb.

Beləliklə, ehtimal heyət bunlardır: Canluici Buffon, Matteo Darmian, Leonardo Bonuççi, Corcio Kyellini, Luka Antonelli, Marko Verratti, Andrea Pirlo, Cakomo Bonaventura, Stefan Əl-Şaravi, Antonio Kandreva və Qraziano Pelle.

İtaliyalı həmkarlarımız Azərbaycan yığmasının da ehtimal heyətini yazıblar. Ancaq burda səhvə yol verərək, yığmanın düşərgəsində olmayan Cavid Tağıyevin də adını heyətdə göstəriblər:

Kamran Ağayev, Arif Daşdəmirov, Bədavi Hüseynov, Rəşad Sadıqov, Məhəmməd Mirzəbəyov, Rahid Əmirquliyev, Qara Qarayev, Əfran İsmayılov, Dmitri Nazarov, Cavid Tağıyev, Ruslan Qurbanov.

"Azərbaycanla oyun bizim üçün çox əhəmiyyətlidir. Qazanacağımız qələbə bizi Avropa çempionatının final mərhələsinə bir addım da yaxınlaşdıracaq".

Bu sözləri İtaliya millisinin futbolçusu Stefan Əl Şəravi deyib. O, hücum xəttində güclü futbolçulara sahib olduqlarını bildirib.