Kataloniyada problemləri demokratik yolla həll etməyə çalışırlar, ölümlər və müharibə ilə deyil. Ölkəmdə də problemlərin belə həll edilməsini istərdim.

Axar.az xəbər verir ki, bu sözləri "Barselona" forması geyən türkiyəli futbolçu Arda Turan İspaniyada bir radio verilişinə qoşularaq deyib.

"Çempionlar liqasını ilk dəfə ardarda qazanmaq istəyirik", - deyə sözə başlayan məşhur futbolçu belə davam edib:

"Çempionlar liqası haqqında söhbət açılanda komandanı ən çox motivasiya edən şey budur. ÇL-i ilk dəfə ardarda qazanan ilk komanda olmaq istəyirik. Mənim üçün bu kubokun ayrıca əhəmiyyəti var. "Atletiko"da ikən 2014-cü ildə "Real Madrid"ə uduzduğumuz vaxt çox ağlamışdım. Zədəli olduğuma görə oynaya bilmədim, əhəmiyyətli oyunçu idim. Əlbəttə ki, bir oyunçu bütün matçın gedişatını dəyişdirməyə bilər, amma indiyə qədər beyinimdə "Bəlkə oynasaydım..." - sualı qalır".

Arda Turandan Kataloniya ilə Türkiyəni müqayisə etmək xahiş ediləndə belə cavab verib:

"Kataloniyada problemləri demokratik yolla həll etməyə çalışırlar, ölümlər və müharibə ilə deyil. Ölkəmdə də problemlərin belə həll edilməsini istərdim. Ölkəm də problemlərin bərabərlik və demokratiya ilə həll edilməsini çox istərdi".