2024.06.29. 23:15

Almaniyada təşkil olunan futbol üzrə Avropa çempionatında Almaniya və Danimarka yığmaları arasında 1/8 final görüşü başlayıb.

Axar.az xəbər verir ki, qarşılaşma Dortmunddakı "Siqnal İduna Park" stadionunda keçirilir.

Qeyd edək ki, görüşü ingiltərəli baş hakim Maykl Oliver idarə edir.

***

Almaniya və Danimarka yığmaları arasında 1/8 final görüşündə güclü yağış səbəbindən fasilə yaranıb.

Dortmunddakı "Siqnal İduna Park" stadionundakı matçın 35-ci dəqiqəsində görüşün ingiltərəli baş hakim Maykl Oliver qarşılaşmanı saxlayıb.

Qeyd edək ki, matçda hesab açılmayıb.

***

Matçda məcburi fasilə başa çatıb, oyun qaldığı yerdən davam edir.

***

53-cü dəqiqədə Almaniya millisinin oyunçusu Kay Haverts penalti zərbəsi ilə hesabı açıb: 1 - 0

***

Camal Musiala 68-ci dəqiqədə ikinci topu rəqibin qapısından keçirib: 2 - 0

***

Beləliklə, Almaniya və Danimarka yığmaları arasında 1/8 final görüşü başa çatıb.

Dortmundun "Siqnal İduna Park" stadionunda reallaşan matçda meydan sahibləri qələbə qazanıb - 2:0.

Qeyd edək ki, 1/4 finala yüksələn Almaniyanın rəqibi İspaniya - Gürcüstan cütünün qalibi olacaq.