Avstriya ABŞ-ın təzyiqi ilə TASS müxbirlərinin akkreditasiyasını ləğv edib.

Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

Zaxarova bildirib ki, bu hadisədən sonra Avstriyanın Rusiyadakı səfiri Verner Almhofer Vyananın rusiyalı jurnalistlərə qarşı iddialarına aydınlıq gətirmək üçün Rusiya Xarici İşlər Nazirliyinə çağırılıb, lakin dəqiq cavab alınmayıb.

Qeyd edək ki, bir neçə gün öncə Avstriya TASS-ın müxbiri Arina Davidyanın akkreditasiyasını ləğv edib. Aprel ayında da Avstriya hakimiyyəti agentliyin müxbiri İvan Popovun akkreditasiyasını ləğv etmişdi.