İngiltərənin "Liverpul" klubunun niderlandlı müdafiəçisi Vircil van Deyk karyerasını İspaniyanın "Barselona" klubunda davam etdirə bilər.

Axar.az xəbər verir ki, İspaniya klubu "Liverpul"la müqaviləsinin müddəti 2025-ci ilin yayında başa çatacaq 33 yaşlı futbolçunu transfer etmək imkanını nəzərdən keçirir.

Bu transferi həyata keçirmək üçün Kataloniya klubu uruqvaylı Ronald Arauxo ilə yolları ayıra bilər.

Qeyd edək ki, Vircil Van Deyk cari mövsümdə klub səviyyəsində 32 oyun keçirib, 3 qol vurub və bir məhsuldar ötürmə edib. "Transfermarkt" portalında futbolçunun dəyəri 28 milyon avro qiymətləndirilir.