23:15

Bu gün futbol üzrə XV Avropa çempionatının final mərhələsinə start verilib.

Axar.az xəbər verir ki, "Stad de Frans" stadionunda çempionatın möhtəşəm açılış mərasimi keçirilib.

Açılış mərasimindən sonra meydana Fransa və Rumıniya yığmaları çıxıblar.

Səksən min yerlik arenada açılış oyununu macarıstanlı Viktor Kassai idarə edir. Ona həmyerliləri Giorgi Rinq, Vensel Tot, Tamas Boqnar və Adam Farkas kömək edirlər.

00:37

Olivye Jiru 56-cı dəqiqədə Fransa yığmasını 1:0 hesabı ilə önə çıxarsa da rumınlar 65-ci dəqiqədə Bogdan Stancunun 11 metrlik cərimə zəribəsindən vurduğu qolla hesabı bərabərləşdiriblər.

00:49

Fransa millisinin oyunçusu Payet matçın 89-cu dəqiqəsində komandasını hesabda irəli çıxarıb 2-1.

00:59

Fransa yığması Rumıniyaya 2-1 qalib gəldi. Qrupun digər görüşü Albaniya-İsveçrə yığmaları arasında baş tutacaq.