Kosta-Rika milli komandasının futbolçusu Dieqo Kampos karyerasını Azərbaycanda davam etdirə bilər.

Axar.az Qol.az-a istinadən xəbər verir ki, bu haqda Kosta-Rikanın “La Nacion” nəşri məlumat yayıb.

Yerli mənbələr Azərbaycan çempionu “Qarabağ”ın 29 yaşlı futbolçuya maraq göstərdini və heyətinə qatmaq istədiyini yazıb.

Məlumata görə, artıq “Qarabağ” Dieqo Kamposa görə onun müqavilə ilə məxsus olduğu Kosta-Rika yüksək liqa təmsilçisi “LD Alaxuelense” klubuna təklif də irəli sürüb. Hazırda tərəflərin danışıqlar apardığı da iddia olunub.

Qeyd edək ki, Dieqo Kampos sol vinger mövqeyində çıxış edir. Hazırda “Qarabağ”da bu mövqedə Abdullah Zubir və Emmanuel Addai oynayır.

Dieqo Kampos milli komandasında 3 oyun keçirib və 1 qol vurub.