12:19

Bu gün Avro-2016-nın 1/4 final mərhələsində mühüm görüş baş tutacaq.

Axar.az xəbər verir ki, saat 23:00-da Bordo stadionunda Almaniya və İtaliya yığmaları üz-üzə gələcək.

Almaniya və İtaliya yığmaları turnir boyu ən yaxşı oyun göstərən komandalar kimi qəbul olunur. Mütəxəssislərin fikrincə, bu cütlüyün qalibi Avro-2016-nı çempion kimi başa vuracaq.

Qeyd edək ki, artıq Portuqaliya və Uels milliləri yarımfinala vəsiqə qazanıb.

23:00

Avro-216-nın 1/4 final matçında Almaniya İtaliya ilə qarşılaşır. Bu görüşün qalibi yarımfinalda Fransa-İslandiya yığmalarının qalibi ilə görüşəcək.

00:27

Almaniya millisi matçın 65-ci dəqiqəsində türk əsilli Məsut Özilin qolu ilə hesabı açdı: 1-0.

00:46

Bonuççi İtaliya millisinin bərabərlik topunu 78-ci dəqiqədə penalti zərbəsindən vurdu: 1-1

00:56

Almaniya-İtaliya matçı 1-1 hesabı ilə yekunlaşdı. Matçda əlavə vaxt oynanılır.

01:35

İtaliya və Almaniya arasında keçirilən 1/4 final matçında tarazlıq pozulmadı: 1-1. Qalibi müəyyən etmək üçün penalti zərbələrindən istifadə edilir.

01:48

Almaniya millisi penaltilərdə 7-6 İtaliyaya qalib gələrək yarımfinala yüksəldi.