Azərbaycan qızıl ehtiyatına görə dünya reytinqində 55-ci yerdə qərarlaşıb.

Axar.az xəbər verir ki, bu barədə informasiyanı Ümumdünya Qızıl Şurası yayıb. Hesabata əsasən ölkənin 30,2 ton qızıl ehtiyatı var.

Ümumilikdə reytinq cədvəlində qızıl ehtiyatı 1,4 tonu keçən 100 ölkə yer alıb. Reytinqin ilk pilləsində ABŞ (8135,5 ton), Almaniya (3378,2 ton) və Beynəlxalq Valyuta Fondu (2814 ton) qərarlaşıb. Onlardan sonrakı yerləri isə İtaliya, Fransa, Çin, Rusiya, İsveçrə, Yaponiya və Niderland tutub.

Postsovet məkanında qızıl ehtiyatına görə Azərbaycanı Qazaxıstan (21-ci yer), Belarus (48-ci yer) qabaqlayıb.