Ölkədə mobil telefon bazarında qiymətlər qalxıb.

Axar.az məlumat verir ki, bu gün səhər saatlarından etibarən mobil telefonların qiymətində 30-35 faiz artım müşahidə olunub.

Paytaxtın mobil şəbəkə bazarında önəmli sıralarda qərarlaşan "İrşad telekom" mağazasının internet səhifəsində də bu barədə məlumat verilib. Belə ki, dünən gecə "Ayfon 5s" mobil telefonu 506 manata təklif olunurdusa, bu gün bu rəqəm 684 manata qalxıb. "Ayfon 6" modeli isə 634 manatdan birdən-birə 863 manata qalxıb.

Digər mobil telefonların qiymətində də 150-250 manat artım qeydə alınıb.

Qiymət artımı bütün növ mobil telefonlara şamil olunub.